Esgyn
‘Esgyn’ yw enw menter ieuenctid Undeb Bedyddwyr Cymru, wedi’i dylunio ar gyfer pobl ifanc yn ein heglwysi a’n cymunedau.
Calon ‘Esgyn’ yw i greu cyfle i bobl ifanc ddod at ei gilydd ac adeiladu perthnasau gyda’i gilydd, tra’n darganfod mwy am antur adnabod Duw…
Wyt ti (neu rywun rwyt ti’n ei nabod) yn 11-16 neu’n 16-21 oed?
Wyt ti’n barod am anturiaethau newydd?
Wyt ti’n barod i archwilio antur cyffrous dilyn Iesu?
Wyt ti’n barod i adeiladu perthnasau newydd, a chael llawer o hwyl?
…. byddem ni’n caru petaech chi’n ymuno â ni!
Stori Esgyn Hyd Yma
Fe wnaethom ni ddechrau antur ‘Esgyn’ gyda Phenwythnos Ieuenctid ym mis Chwefror 2024, mewn lleoliad anhygoel: The Rock UK Summit Centre, Treharris yn Ne Cymru. Doedden ni ddim yn disgwyl yr ymateb rhyfeddol gan eglwysi, pobl ifanc, a’r tîm anhygoel – ac rydym wedi dychwelyd am benwythnosau ers hynny!
Rydym wrth ein boddau i gyhoeddi, yn ystod 2026, ein bod yn ehangu ein darpariaeth i ddau benwythnos ieuenctid! Byddwn yn parhau gyda’n penwythnos gwreiddiol i ieuenctid 11-16 oed yng Nghanolfan Summit Rock UK, yn ogystal â phenwythnos newydd ‘Esgyn+’ i ieuenctid 16-21 oed yn Nhŷ Ddewi, Sir Benfro.
Penwythnos Ieuenctid Esgyn (11-16 oed)
Bydd Penwythnos Ieuenctid Esgyn yn dychwelyd i’r Ganolfan Summit yr Hydref hwn ar yr 20fed – 22ain o Dachwedd 2026. Bydd y penwythnos yn dechrau ar y Nos Wener, ac yn parhau tan y prynhawn Sul, gyda chyfle i bobl ifanc i:
Fwynhau’r gweithgareddau sydd ar gael yng
Nghanolfan Summit Rock UK, gan gynnwys opsiynau newydd eleni
e.e cerdded yn y mynyddoedd, crefft coed, saethyddiaeth, rhaffau uchel a dringo…
Mwynhau adegau o addoli, cymuned, a bwyd da!
Gweithgareddau ‘tîm’ a gemau…
Amserau i orffwyso a threulio amser gyda ffrindiau (ac efallai cysgu rywfaint!)
… a mwy!
Mi fydd darpariaeth iaith Gymraeg, ac bydd y penwythnos yn rhedeg yn ddwyieithog bob man mae hynny’n bosib.
Bwcio
Pris y penwythnos: £98
Mae’r penwythnos wedi’i sybsideiddio yn sylweddol gan UBC unwaith eto (gostyngwyd o bris llawn £170), a chynigir mwy o gymorth trwy gymhorthdal (fydd yn dod â phris y penwythnos i £50). Dydyn ni ddim eisiau pris i fod yn rhwystr i unrhyw un sydd am ddod ar benwythnos Esgyn.
Os oes consyrn gennych am hyn, neu hoffech chi helpu person ifanc i ddod i Esgyn, cysylltwch â thîm Esgyn: esgyn@ubc.cymru. Peidiwch ag oedi rhag cysylltu, bydden ni wrth ein bodd yn siarad gyda chi!
Mae’r ffurflenni i archebu lle ar gyfer mis Tachwedd nawr YN FYW!
Dyddiad Terfyn: 16eg o Hydref 2026
Archebwch eich lle yma:
Ffurflen Esgyn – Mis Tachwedd 2026
NEWYDD: Esgyn+ (16-21 oed)
Rydym yn gyffrous eleni i gyhoeddi lansiad ‘Esgyn Plus’: ffrwd newydd ar gyfer ieuenctid 16-21 oed!
Efallai eich bod wedi tyfu i fyny gyda phenwythnosau Esgyn, neu yn barod ar gyfer antur newydd – un ffordd neu’r llall, carem i chi ymuno â ni! Mae hwn yn brofiad newydd ar gyfer ieuenctid hŷn sydd am fynd ychydig yn ddyfnach yn eu teithiau ffydd.
Byddwn yn lansio eleni yn Nhŷ Ddewi, Sir Benfro – o’r 18fed i’r 20fed o fis Medi.
Bydd y penwythnos yn digwydd yn St David’s Bunk Barns (ar gyrion dinas fach Tŷ Ddewi), gyda rhaglen amrywiol, gan gynnwys:
Gweithgareddau Antur Opsiynol (e.e Scramblo Arfordir, Padl-fyrddio)
Amserau o addoli, cymuned, a bwyd da!
Ymweld â Thŷ Ddewi
Taith i’r Traeth (dibynnol ar dywydd!)
… yn ogystal â digonedd o amser i orffwyso a mwynhau.
Bydd y penwythnos yn rhedeg yn ddwy-ieithog ble bynnag bo hynny’n bosib.
Archebu Lle
Pris y Penwythnos: £98 (neu £137.50 gyda gweithgaredd opsiynol)
Mae’r penwythnos wedi’i sybsideiddio yn sylweddol gan UBC a’i phartneriaid, a chynigir mwy o gymorth trwy gymhorthdal (fydd yn dod â phris y penwythnos i lawr i £50 neu £70 gyda gweithgaredd opsiynol). Dydyn ni ddim eisiau pris i fod yn rhwystr i unrhyw un sydd am ddod ar benwythnos Esgyn.
Os oes consyrn gennych am hyn, neu hoffech chi helpu person ifanc i ddod i Esgyn, cysylltwch â thîm Esgyn: esgyn@ubc.cymru. Peidiwch ag oedi rhag cysylltu, bydden ni wrth ein bodd yn siarad gyda chi!
Mae’r ffurflenni i archebu lle ar gyfer mis Medi NAWR YN FYW!
Dyddiad Terfyn: 1af o Fedi 2026 (neu’r 24ain o Orffennaf gyda gweithgaredd opsiynol).
Archebwch eich lle yma:
Cofrestru Lle Esgyn Plus – Medi 2026
Gweledigaeth ar gyfer cenhedlaeth newydd…
Mae thema ‘Esgyn’ (‘codi’, Saesneg: ‘Ascend’) yn cyfleu mentro ar antur gyda’n gilydd mewn cymuned, edrych i fyny at uchderau a chyffro dilyn Iesu, tra hefyd yn cadw mewn cof yr angen i archwilio ‘dyffrynnoedd’ bywyd bob dydd gyda Duw, yng ngyd-destun Cymru yr 21ain Ganrif.
Gobaith ‘Esgyn’ yw i:
- Gysylltu pobl ifanc â’i gilydd
- Annog pob person ifanc yn ei d/thaith gyda Iesu
- Adeiladu cymuned arhosol am flynyddoedd i ddod.
Lledu’r Gair…
Plîs lledwch y gair ymhlith unrhyw bobl ifanc 11-16 oed neu 16-21 oed rydych chi’n eu hadnabod fyddai â diddordeb ymuno ag antur Esgyn!
Gallwch hefyd gadw llygaid allan ar dudalen Instagram a Facebook Esgyn i glywed y newyddion diweddaraf, yn ogystal â sianeli a chyfryngau cymdeithasol UBC.
Dod ynghŷd
i dyfu mewn ffydd.
Esgyn mewn gobaith ar gyfer
cenhedlaeth newydd.
Carem glywed oddi wrthych chi! Cysylltwch â thîm Esgyn trwy e-bost esgyn@ubc.cymru. Gallwch hefyd alw swyddfa UBC 03452221514 a gofyn i siarad gyda Sioned neu Carwyn.